في اول تدويناتي حبيت نحكي على ظاهرة انا بصراحة اول مرة نسمع بيها وقريت عليها بالصدفة ..مرا كويتية عاملة روحها متحجبة وتحب تقولنا الي هي مثقفة وناطقة باسم نساء الكويت ...عندها بوسة خال كي كعبة الزيتون فوق خشمها و اسمها على ما نتفكر سلوى المطيري ... المرا قالك ظاهرة اعلامية وأثارت جدل كبير في المجتمعات العربية .. على خاطر عندها طلعات تسميهم هي " اختراعات خاصة" و من بين هالافكار قالك المرا تدعو لفتح مكاتب للجوارى في الكويت للحد من زنا الرجال و شراء سبايا الحرب الروسيات من الشيشانيين، والدعوة لإصدار قانون يعطي للكويتيات الحق في شراء (أزواج حلوين) كيما تقول هي من دول إسلامية وبمواصفات خاصة زادة وهذا يا سيدي بهدف تحسين النسل والقضاء على العنوسة في الكويت.
موش هكة برك المرا مطالبة زادة بطرح "الويسكي الحلال" و"سيجارة السعادة" الي ما تفطّرش وحكايات توقف المخ ... وآخر طلعاتها نهار واحد افريل قاتلك الي المغربيات عبارة عن مستنقع، ويبعن أنفسهن بأبخس الأثمان، و أن نساء الخليج عفيفات و لا يشبهن المغربيات المتبرجات على حد قولها... و المغاربة متحلفين فيها اكيلي بالظبط .
الحاصل انا الي نجمت نعرفوا عالمخلوقة هاذي هو انو عندها تكوين في السكريتيريا ومطلقة وتخدم في مركز الاستشارات الاجتماعية التابع لمركز الطب البديل في الكويت و خاضت الانتخابات 4 مرات وهدفها الوصول لمجلس الشعب .
حاصيلو مخ الهدرة ورغم الي افكار السيدة هاذي ولات اطروحات للنقاش أنا ما انجم نقول كان ربي يشفيها و انتوما اتأكدو وحدكم و شوفو القناة متاعها عاليوتوب http://www.youtube.com/user/salwaalmotare?feature=watch
إرسال تعليق